Flugger og Öryggismiðstöðin hafa gert með sér heildarsamning um samstarf á sviði öryggismála. Samningurinn tekur til uppsetningar, vöktunar, viðhalds og þjónustu öryggislausna þeirra í verslunum og skrifstofum Flugger.

Innbrotaviðvaranir, brunaviðvaranir og viðbragðsbúnaður er meðal þeirra lausna sem Flugger notar til þess að auka öryggi bæði starfsmanna sinna og verslana.

Flugger rekur 6 málningarvöruverslanir í Reykjavík, Hafnarfirði, Reykjanesbæ, Akureyri og Selfossi þar sem fagfólk veitir faglega ráðgjöf um meðal annars málningu, veggfóður og málningarverkfæri í miklu úrvali.