Reykjavíkurborg

Öryggismiðstöðin og Reykjavíkurborg hafa unnið saman að því síðustu vikur að setja upp og innleiða ný öryggis- og aðgangskerfi fyrir skrifstofur Reykjavíkurborgar að Borgartúni 12-14, í ráðhúsinu og í Höfða.

Um er að ræða sambyggt öryggis- og aðgangskerfi af tegundinni Integriti frá Inner Range. Integriti lausnina má finna í mörgum af stærstu fyrirtækjum og stofnunum landsins og er kerfið mest selda kerfi sinnar tegundar á Íslandi.

Öryggismiðstöðin hefur sett upp og þjónustað lausnir frá Inner Range í yfir 25 ár.

Kerfið býður upp á fjölbreyttar öryggis- og viðvörunarvaktanir og aðgangsstýringar hurða. Aðgangsstýringar geta verið með aðgangskorti eða snjallsíma sem notandi ber upp að aðgangslesara sem opnar hurð. Umrædd kerfi Reykjavíkurborgar eru nú samtengd og þeim stjórnað miðlægt með öflugum hugbúnaði þar sem auðvelt er að hafa yfirsýn yfir notendur, bæta við og breyta heimildum, kóðum og aðgengi.

Hugbúnaðurinn er sérstaklega hannaður til þess að hægt sé að stjórna kerfinu með notendavænum hætti. Sveigjanleiki kerfisins er mikill og auðvelt er að stækka og bæta við sama kerfið fleiri byggingum sem þarf að verja og aðgangsstýra.

Einnig valdi Reykjavíkurborg aðgangslesara af öruggustu gerð með framtíðarmöguleikum fyrir snjallsímaopnun.

Við erum stolt af því að Reykjavíkurborg hafi valið Integriti frá Inner Range og þökkum starfsmönnum borgarinnar og öðrum sem að verkefninu komu fyrir einstaklega gott samstarf við innleiðinguna og óskum borginni til hamingju með þessa öflugu lausn.