Öryggismiðstöðin og Mosfellsbær hafa undirritað samstarfssamning með það að markmiði að efla öryggi í öllum fasteignum á vegum sveitarfélagsins.

Samningurinn felur í sér umfangsmikla þjónustu frá Öryggismiðstöðinni, þar á meðal vöktun og viðhald á bruna- og innbrotaviðvörunarkerfum, útkallsþjónustu og árlegt eftirlit á brunakerfum og slökkvitækjum í húseignum Mosfellsbæjar. Sveitarfélagið rekur umfangsmikla starfsemi í yfir 30 byggingum, má þar nefna leik- og grunnskóla, íþróttamannvirki, söfn og sundlaugar.

Með nýja samningnum er markmið Mosfellsbæjar að efla eftirlit og öryggi húseigna og starfsstöðva sveitarfélagsins.

"Okkar lausnir byggjast á áreiðanlegri öryggisþjónustu í formi öryggiskerfa, útkallsþjónustu og vöktun allan sólarhringinn ásamt viðhaldi og reglubundnu eftirliti. Þessar öflugu þjónustur hafa reynst öðrum sveitarfélögum á landsvísu gífurlega vel", segir Sverrir enn fremur.

Í þessu samstarfi mun Öryggismiðstöðin beita víðtækri reynslu sinni á sviði öryggislausna til að stuðla að auknu öryggi í fasteignum á vegum Mosfellsbæjar.