Ný skimunar­stöð fyrir CO­VID-19 skyndi­próf hefur verið opnuð í hús­næði Aðal­torgs við Aðal­götu 60 í Reykja­nes­bæ, skammt frá flug­stöð Leifs Ei­ríks­sonar. Um er að ræða svo­kallað Anti­gen próf sem skila ná­kvæmri niður­stöðu á að­eins 15 mínútum.

Prófið er fram­kvæmt með stroku í nef og niður­staða er send með QR kóða í tölvu­pósti til við­komandi um leið og hún liggur fyrir en fram­vísa þarf niður­stöðu úr nei­kvæðu CO­VID-19 prófi áður en fólk heldur í flug til Banda­ríkjanna og fleiri landa.

Skimunar­stöðin er einkum ætluð ferða­mönnum sem þurfa að vera með niður­stöðu úr ný­legu CO­VID-19 prófi áður en þeir halda frá Ís­landi í ferða­lag eða snúa aftur til heim­kynna sinna.

Þar kemur einnig fram að bæði stöðin og prófið sem þar er fram­kvæmt bæti þjónustuna veru­lega við er­lenda ferða­menn sem hafa ferðast hingað til lands, en lengri tíma tekur að fá niður­stöðu úr hefð­bundnu PCR prófi sem notast hefur verið við hér á landi auk þess sem skimunar- og greiningar­geta er tak­markandi þáttur þar.

Þekking starfsmanna mikil

Öryggis­mið­stöðin sér um alla fram­kvæmd á skimunum í nýju stöðinni í sam­starfi við rann­sóknar­stofuna Sam­eind. Öryggis­mið­stöðin hefur tekið megin­þorra hefð­bundinni PCR CO­VID-19 stroku­prófa hér á landi þannig að þekking starfs­manna á skimunum er mjög mikil.

Til að mynda starfa á annað hundrað sér­þjálfaðir starfs­menn Öryggis­mið­stöðvarinnar í flug­stöðinni, meðal annars, við sýna­töku hjá komu­far­þegum.

Hægt er að bóka tíma í CO­VID-19 hraðpróf á www.testco­vid.is.