Reykskynjarar bjarga mannslífum, og því er æskilegt að hafa þá í hverju herbergi. Í stærri byggingum er gott að hafa þá samtengda þannig að allir skynjarar hringja ef einn fer í gang. Einnig er hægt að tengja reykskynjara við öryggiskerfi sem er vaktað allan sólarhringinn af stjórnstöð Öryggismiðstöðvarinnar.

Það er nauðsynlegt að skipta reglulega um rafhlöður í reykskynjurum. Nýir reykskynjarar geta verið með rafhlöður sem endast í 5–10 ár, en það er alltaf góð venja að prófa þá árlega og skipta um rafhlöður ef þeir hafa ekki slíkan líftíma. 1. desember er dagur reykskynjarans, sem er góður tími til að sinna þessari yfirferð. Einnig er mælt með því að skipta út reykskynjurum á 10 ára fresti þar sem endingartími þeirra er ekki lengri.

Eldvarnarteppi ætti að vera á hverju heimili, staðsett á sýnilegum stað þar sem auðvelt er að grípa í það ef eldur kemur upp. Slík teppi eru mjög gagnleg við minni elda, til dæmis í feiti í steikingarpotti eða í minni raftækjum. Það er mikilvægt að nota ekki vatn til að slökkva elda í feiti eða raftækjum, heldur nota eldvarnarteppi.

Slökkvitæki ættu að vera á áberandi stöðum, þar sem auðvelt er að komast að þeim. Best er að hafa þau við flóttaleiðir eins og útganga og í anddyrum. Slökkvitæki þurfa reglulega yfirferð, þar sem þrýstingur og fylling þeirra er skoðuð. Öryggismiðstöðin rekur verkstæði fyrir slökkvitæki í Askalind 1 í Kópavogi, þar sem hægt er að fá tæki skoðuð og þjónustuð.

Það er einnig mikilvægt að tryggja að greiðar flóttaleiðir séu til úr öllum rýmum, með að lágmarki tveimur flóttaleiðum úr íbúðum. Fyrir efri hæðir er hægt að fá handhæga stiga sem hægt er að kasta út um glugga ef reyks eða elds lokar aðalflóttaleiðum.

Úrval brunavarna, svo sem reykskynjara, eldvarnarteppi og slökkvitæki, má einnig finna í vefverslun Öryggismiðstöðvarinnar á www.oryggi.is.