Ef öryggiskerfið fer óvart í gang er mikilvægt að halda ró sinni og taka kerfið strax af verði með því að nota aðgangskóða. Ef þú manst ekki aðgangskóðann en manst öryggistöluna þína, hringdu þá strax í stjórnstöð Öryggismiðstöðvarinnar í síma 530-2400. Ef þú hefur misst kerfið í falsútkall skaltu tilkynna það stjórnstöð Öryggismiðstöðvarinnar og afturkalla öryggisvörð. Ef þú manst hvorki aðgangskóða né öryggistölu kemur öryggisvörður á staðinn og þú þarft að staðfesta heimild með fullgildum skilríkjum.

Orsakir „falskra útkalla“ geta verið margvíslegar: ólæstar eða opnar dyr eða gluggar, mistök við innslátt á aðgangskóða, hlutir eins og gardínur og skraut virkja hreyfiskynjara, snöggar hitabreytingar frá hitagjöfum eða hreinlega bilun í búnaði sem veldur því að kerfið fer af stað án sýnilegrar ástæðu.

Til að koma í veg fyrir óþarfa ónæði frá kerfinu og fækka falsútköllum er mikilvægt að huga vel að umgengni um öryggiskerfið og frágangi húsnæðis. Muna að loka og læsa vandlega öllum gluggum og dyrum áður en húsnæði er yfirgefið, tryggja að allir notendur kerfisins kunni að setja það á og taka það af verði og hafi til þess þar til gert app eða kóða og séu með skráða öryggistölu. Mikilvægt er að skráning tengiliða vegna viðbragða við boðum frá öryggiskerfum séu ávallt réttar og allar breytingar á tengiliðum, símanúmerum og öryggistölum séu tilkynntar til Öryggismiðstöðvarinnar.

Ef þú ert ekki viss um hvernig á að nota öryggiskerfið þá skaltu endilega heyra í okkur hjá Öryggismiðstöðinni til að fá nauðsynlegar leiðbeiningar.

Hægt er að bæta við notendum og skrá aðgangskóða og öryggistölur á Mínum síðum á heimasíðu okkar.