Vöruvernd

Vöruverndarhlið fyrir verslanir eru fáanleg fyrir fjölbreyttar aðstæður. Þau hafa bæði fælandi áhrif ásamt því að virkja viðvörun fari vara út úr verslun án þess að greitt hafi verið fyrir.

Vöruverndarhlið fást í mismunandi útliti og stærðum og fer val á búnaði eftir kröfum og þörfum verslana, og þeim vörum sem verja skal. Mikilvægt er að velja vel réttan búnað og lausnir sem hæfa best í hverju tilviki.

Með vöruverndarhliðum er hægt að fá miðlægan hugbúnað sem sýnir staðsetningar, stillingar á virkni og veitir umsjónaraðila yfirlit um viðvaranir.

Vöruverndarmerki eða þjófavarnarmerki fást í fjölmörgum útgáfum með mismunandi virkni fyrir bæði fatnað, sérvörur og matvöru.

Til þess gerðir eyðarar óvirkja þjófavarnarmiða við afgreiðslu þeirra og segulopnarar eru notaðir til þess að losa merki af fatnaði.

Sérstakar öryggissnúrur með áfastri vælu hafa verið vinsælar til þess að hengja á dýrari sérvörur. Ef reynt er að slíta öryggissnúruna fer vælan í gang og vekur athygli nærstaddra og hefur fælandi áhrif.

Ýmsar tækjavarnir eru til í góðu úrvali sem henta ólíkum aðstæðum og gefa frá sér viðvaranir séu tæki fjarlægð úr tengingu við kerfið.

Tækjavarnir geta líka falið í sér hleðslumöguleika sem auðveldar verslunareigendum að auka aðgengi viðskiptavina að dýrum sýningartækjum eins og farsímum, spjaldtölvum, snjallúrum, myndavélum, heyrnartólum og fartölvum.

Við bjóðum upp á fjölbreyttar lausnir frá Shopguard, sem hefur verið traustur samstarfsaðili Öryggismiðstöðvarinnar um árabil og veitt háþróaðar lausnir í vöruvernd fyrir smásölumarkaðinn á Íslandi. Með yfir 30 ára reynslu á alþjóðlegum markaði hefur Shopguard sérhæft sig í þróun og framleiðslu á öryggis- og kynningarbúnaði fyrir verslanir. Þeir bjóða upp á fjölbreyttar vörur, þar á meðal rafrænt vörueftirlitskerfi (EAS), skjávarnar- og hugbúnaðarlausnir sem miða að því að draga úr rýrnun.

Samstarf Öryggismiðstöðvarinnar og Shopguard hefur reynst vel um árabil þar sem nýstárlegar öryggislausnir þeirra hafa verið settar upp í fjölmörgum verslunum á Íslandi.

Einnig bjóðum við upp á lausnir frá Dahua á sviði vöruverndarhliða.

Dahua Technology er leiðandi framleiðandi á sviði öryggislausna og hefur verið í fararbroddi með nýstárlegar lausnir í eftirlitsmyndavélum, vöruverndarhliðum og myndeftirlitskerfum. Lausnir frá Dahua eru þekktar um allan heim fyrir gæði, áreiðanleika og háþróaða tækni, sem styðja bæði við aukið öryggi og frekari skilvirkni.
Með áratuga reynslu hefur Dahua þróað vörur sem nýtast jafnt litlum sem stærri fyrirtækjum og stofnunum. Búnaður þeirra er hannaður með nýjustu tækni, þar á meðal gervigreind, sem tryggir notendum hámarksgæði í vöruþróun.

Dahua búnaður hefur reynst ómetanlegur fyrir íslenska viðskiptavini sem leita að öflugum, traustum og áreiðanlegum öryggislausnum. Með alþjóðlegt orðspor fyrir að vera í fararbroddi er Dahua einstaklega mikilvægur hluti af þeim öryggislausnum sem Öryggismiðstöðin býður upp á.

Sérfræðingar Öryggismiðstöðvarinnar veita alla frekari ráðgjöf við val á lausnum.