Aðgangskerfi

Aðgangskerfi gera notendum kleift að halda utan um aðgangsheimildir. Þau tryggja meðal annars rekjanleika aðgengis með aðgangsheimildum á aðgangskorti eða farsímaskilríkjum sem skilgreina heimildir til umgengni.

Helstu kostir aðgangskerfa:

• Öruggt og snjallt utanumhald um aðgengi - kemur í stað týndra lykla
• Einföld og skýr yfirsýn yfir allar aðgangsheimildir notenda og tímastýringu þeirra
• Auðvelt er að bæta við tímabundnum aðgangi eða loka honum
• Sambyggð öryggis- og aðgangskerfi nýta sama kerfi og viðmót

Öll umgengni er skráð í gagnagrunn og á einfaldan hátt er hægt að nálgast upplýsingar um notendur og umgengni á aðgengilegu skýrsluformi ef á þarf að halda.

Aðgangskerfi geta læst og aflæst rýmum á fyrirfram ákveðnum tímum, sem getur einnig verið misjafnt á milli daga ef þörf krefur.

Opnun hurða getur verið með aðgangskorti, farsíma, spjaldtölvu, appi eða í gegnum miðlægan hugbúnað stjórnenda kerfisins - allt eftir þínum hentugleika.

Sambyggð öryggis- og aðgangskerfi njóta mikilla vinsælda en þeim er hægt að stjórna miðlægt í notendavænum stjórnhugbúnaði í einu og sama viðmótinu.

Slík kerfi geta meðal annars

• vaktað boð frá viðvörunarskynjurum
• stýrt aðgengi hurða og hliða
• vaktað hitastig rýma
• stýrt ljósanotkun

Öryggismiðstöðin hefur um árabil boðið upp á öryggis- og aðgangskerfi frá Inner Range, sem leitt hefur þróun á slíkum kerfum frá árinu 1999 og þykja lausnir þeirra notendavænar og áreiðanlegar. Mikill sveigjanleiki er í uppbyggingu kerfanna og leggur Inner Range mikla áherslu á þróun hugbúnaðarlausna í kringum kerfin. Fjöldi sérþjálfaðra sérfræðinga Öryggismiðstöðvarinnar sinna þjónustu við kerfin og hafa meðal annars unnið í náinni samvinnu með framleiðanda að þróun kerfisins með óskir og þarfir íslenskra notenda í huga. Frá upphafi hefur Öryggismiðstöðin verið stoltur samstarfsaðili Inner Range á Íslandi og þannig öðlast víðtæka þekkingu á kerfum þeirra.

Aðgangskerfi fást í mörgum útgáfum og sérfræðingar okkar veita ráðgjöf við val á hentugri lausn.