Brunavarnir

Rétt staðsett slökkvitæki af réttri gerð getur skipt sköpum ef eldhætta skapast. Öryggismiðstöðin býður allar tegundir slökkvitækja, brunaslangna og eldvarnarteppa.

Brunaviðvörunarkerfi eru órjúfanlegur hluti af ábyrgum rekstri húsnæðis. Þau eru samanstanda af stjórnstöð, sem tekur við boðum, gefur viðvaranir og vaktar skynjara, og öðrum búnaði sem tengdur er við kerfið.

Slökkvikerfi eru áhrifarík lausn til þess að slökkva eld sem upp getur komið í rýmum sem eru mikilvæg fyrir rekstur eða hýsa verðmæti. Þessi kerfi eiga það sameiginlegt að koma í veg fyrir að eldur fái tækifæri til þess að magnast upp og valda skemmdum.

Yfirlitsmyndir eða teikningar þurfa að vera til staðar við stjórnstöðvar brunaviðvörunarkerfa. Þær eru gerðar samkvæmt gildandi byggingareglugerð og þurfa að vera aðgengilegar í nálægð við stjórnstöð kerfis og í handbók þess.

Eigendum og forráðamönnum atvinnuhúsnæðis ber samkvæmt lögum 723/2017 að framkvæma með reglulegum hætti eigið eldvarnareftirlit með brunavörnum. Öryggismiðstöðin býður þjónustusamninga um eldvarnaeftirlit sem tekur mið af reglugerð um eigið eftirlit.

Ábyrgð á eldvörnum er á hendi eigenda byggingar í samræmi við lög nr.75/2000, sem og forráðamanns hennar. Eigendum bygginga, sem lúta eftirliti slökkviliðs hvað eldvarnir varðar, ber að tilnefna eldvarnarfulltrúa bygginga.

Rýmingaræfingar eru mikilvægar í byggingum þar sem mannfjöldi kemur reglulega saman og eru órjúfanlegur hluti af rýmingaráætlunum þeirra.

Reglubundið eftirlit öryggiskerfa er liður í því að rekstur öryggiskerfa til lengri tíma sé sem bestur og virkni kerfanna aðlöguð að þeim breytingum sem óhjákvæmilega verða á byggingum.